Biznes reja quyidagi tarkibiy qismlarni o’z ichiga oladi:
1. Loyihaning maqsadi
2. Loyihaning qiymati
3. Tashkiliy reja
4. Ishlab chiqarish rejasi
5. Moliyaviy reja
6. Xulosa
LOYIHANING MAQSADI
Ushbu loyihani amalga oshirishdan maqsad, chorvachilik biznesini tashkillashtirishni asoslashdir.
Tadbirkor belgilangan faoliyat turiga asoslanib, 3 turdagi chorva mollarni sotib olib, yetishtirib, go’shtidan xalqimizga arzon va sifatli tarzda, yetkazib berish hamda 5 nafar kishini ish bilan ta’minlashni o’z oldiga maqsad qilib qo’ygan.
Chorvani oila barakasi, deyishadi. Chindan ham, hovlisida bitta sog’in sigiri bor ro’zg’orning dasturxoni fayzli, qo’shimcha daromadli bo’ladi. Shu bois yurtimizda chorvachilikni rivojlantirish, bu borada tadbirkorlikni yo’lga qo’yishga ustuvor ahamiyat qaratilyapti. Maqsad aholining arzon, sifatli go’sht va sut mahsulotlariga bo’lgan ehtiyojini ta’minlashdir.
Statistika ma’lumotlariga qaraganda, bugungi kunda respublikamizda 12,4 million bosh yirik, 21 million bosh mayda shoxli mollar mavjud. Shuningdek, joriy yilda 2,2 million tonna go’sht va 10,1 million tonna sut mahsulotlari yetishtirilgan.
Chorvachilik biznesida halollik, faqat toza mahsulotni sotish, va sifatga e’tibor kuchaytirilsa, xaridorlar sizni o’zi topadi.
