Biznes reja quyidagi tarkibiy qismlarni o’z ichiga oladi:
1. Loyihaning maqsadi
2. Loyihaning qiymati
3. Tashkiliy reja
4. Ishlab chiqarish rejasi
5. Moliyaviy reja
6. Xulosa
LOYIHANING MAQSADI
Ushbu loyihani amalga oshirishdan maqsad, maishiy texnikalarni ta’mirlash ustaxonasini tashkillashtirishni asoslashdir.
Tadbirkor belgilangan faoliyat turiga asoslanib, yaroqsiz holdagi maishiy texnikalarni xalqimizga arzon va sifatli tarzda tuzatib, yetkazib berish hamda 3 nafar kishini ish bilan ta’minlashni o’z oldiga maqsad qilib qo’ygan.
Har yili bozorda tobora murakkab va qimmat maishiy texnika anjomlari ko’payib bormoqda. Bu doimiy tashxisni, profilaktik xizmatni va, albatta, ta’mirlashni talab qiladi. Shu sababli, maishiy texnikalarni ta’mirlash ustaxonasini ochish har doim dolzarb g’oya hisoblanadi. Bunday biznesni ochish uchun yagona narsa, siz o’zingiz ushbu texnikani tushunishingiz kerak, aks holda siz raqobat muhitida omon qolmaysiz.
Mazkur turdagi biznesni boshlash uchun birlamchi va zaruriy xisoblangan asbob uskuna va dastgoxlarni import mahsulotlariga boy bo’lgan o’zbek texnika rastalaridan topish mumkin. Aynan shu tadbirkorlik turiga yo’naltirilgan asbob uskuna turini tahminan 55 000 000,0 so’m atrofidagi mablag’ga xarid qilish mumkindir.
