Maktabgacha ta’lim tizimi har bir inson hayotidagi eng muhim bosqichlardan biri hisoblanadi. Aynan shu davrda bolaning dunyoqarashi, fe’l-atvori, nutqi, fikrlash qobiliyati hamda jamiyat bilan munosabat o’rnatish ko’nikmalari shakllana boshlaydi. Shu sababli maktabgacha ta’lim muassasasida bolalar bilan ishlash nafaqat ta’lim berish, balki ularni har tomonlama rivojlantirish, qiziqishlarini qo’llab-quvvatlash va kelajakdagi muvaffaqiyatlari uchun mustahkam poydevor yaratishni ham anglatadi. Bugungi kunda maktabgacha ta’limga davlat miqyosida katta e’tibor qaratilmoqda. Zamonaviy bog’chalarda bolalarning yosh va individual xususiyatlarini hisobga olgan holda turli innovatsion metodlardan foydalanilmoqda. Biroq qanday metod qo’llanilishidan qat’i nazar, tarbiyachining bolaga bo’lgan mehr-muhabbati, sabr-toqati va mas’uliyati eng muhim omil bo’lib qoladi. Chunki bola avvalo o’zini xavfsiz va qadrlangan his qilgan muhitdagina erkin fikrlaydi, savollar beradi va yangi bilimlarni o’zlashtirishga intiladi. Bolalar bilan ishlash jarayonida ularning yoshiga mos psixologik xususiyatlarini yaxshi bilish zarur. Har bir bola o’ziga xos xarakterga ega bo’ladi. Ba’zilari faol va sergap bo’lsa, boshqalari tortinchoq yoki kamgap bo’lishi mumkin. Tarbiyachi barcha bolalarga bir xil munosabatda bo’lish bilan birga, ularning individual ehtiyojlarini ham inobatga olishi lozim. Bu esa bolaning o’ziga bo’lgan ishonchini oshirishga va jamoada erkin harakat qilishiga yordam beradi. Maktabgacha ta’limda o’yin asosiy faoliyat turi hisoblanadi. Bola o’yin orqali atrofdagi olamni o’rganadi, tengdoshlari bilan muloqot qiladi va yangi bilimlarni oson qabul qiladi. Shuning uchun ta’lim jarayonida didaktik o’yinlar, rolli o’yinlar, harakatli o’yinlar va ijodiy mashg’ulotlardan keng foydalanish maqsadga muvofiqdir. Masalan, shifokor, o’qituvchi yoki oshpaz rollarini ijro etish orqali bolalar kasblar haqida tasavvurga ega bo’ladilar, muloqot qilishni va hamkorlikda ishlashni o’rganadilar. Bolalarning
