Biznes reja quyidagi tarkibiy qismlarni o’z ichiga oladi:
1. Kredit oluvchining asosiy tavsiflari
2. Loyihaning asosiy maqsadi va yo’nalishi
3. Bozor iqtisodiyotining tahlili
4. Raqobat
5. Reklama
6.Tashkiliy reja va ish haqi xarajatlari
7. Ishlab chiqarish rejasi va daromadlari manbai
8. Moliyaviy natija
LOYIHA MAQSADI
Hozirgi vaqtda kichik biznes va xususiy tadbirkorlikni rivojlantirishga alohida e’tibor berilayapdi. Chunki, rivojlangan mamlakatlar tajribasi shuni ko’rsatmoqdaki, kichik va xususiy biznesning bozor o’zgarishlariga tez moslashishi, xaridorlar uchun kerakli mahsulotlarni ishlab chiqarish natijasida iqtisodiyotning rivojlanishiga katta hissa qo’shayotganligini ko’rsatmokda. Kichik va xususiy biznes aholini ish bilan band kilish borasidagi xissasi ham tez sur’atlar bilan usib bormoqda.
Shundan kelib chikib, bozor hamda davr talablaridan kelib chiqib, shu bilan birga hozirgi vaqtda eng xaridorgir bo’lib turgan va aholi hamda xalq xo’jaligining turli tarmoqlarida talab eng yuqori bo’lgan zamonaviy qurilish mahsulotlarini, jumladan, PVX va alyuminiy profillaridan tayyorlanadigan uy-joy qurilishi uchun muhim bo’lgan eshik va deraza ramkalarini yasash hamda gravirovka reklamasi mahsulotlari ishlab chiqarishni maqsad kilib qo’yildi.
Buning uchun tadbirkorda zarur bo’lgan ish kuchi hamda tegishli ishlab chiqarish binolari mavjud. Bundan tashkari, aholining uy joy qurilish materiallariga bo‘lgan talabini qondirish, zamon talablariga javob beradigan uskuna va texnologiyadan foydalangan holda alyumin profildan sifatli eshik va derazalar ishlab chiqarish hamda ularni o’rnatish ishlarini olib borish va gravirovka reklamasi mahsulotlari ishlab chiqarishdan iborat. Loyihaning asosiy yo’nalishi shahar bozorlarini, sifatli bozor narxiga nisbatan arzon qurilish materiallari bilan to’ldirish, natijada yangi ishlab chiqarish sexlarini ochish va yangi ishchi o’rinlar yaratish.
Buning uchun ta’kidlab utilgan mahsulotlarni yasash va ishlab chiqarish uchun tadbirkorga tegishli asbob-uskunalar va jihozlar zarur bo’ladi. Ushbu asbob va uskunalarni sotib olish uchun tadbirkorga qo’shimcha mablag’ va xom-ashyo resurlari hamda tehnika zarur bo’ladi.
Loyiha amalga oshirish uchun 140 000 000 so’m mablag’ zarur bo’lib, shundan
40 000 000 so’mi korxonaning o’z hisobidan, qolgan 100 000 000 ming so’mi 2 yil muddatga yillik 14% ustama bilan bank resurslaridan moliyalashtirish ko’zda tutilgan.
