Koreya Respublikasi mehnat sharoitlarini muhofaza qilish hamda ishchilar farovonligini taminlash dasturlari

Koreya Respublikasi iqtisodiy o’sishida ish bilan bandlikning o’rni va ahamiyati Koreyadagi Mehnat standartlari to’g’risidagi qonun (LSA) ish haqi, ish soatlari, ta’til va shu kabi ish sharoitlarini o’z ichiga oladi va ish munosabatlarida qo’llaniladi. Shu hujjat asosida xodimlarning turmush darajasi yaxshilanishi uchun huquqiy asoslarni belgilaydi. Ya’ni, mehnat shartnomasida normativ me’yorlarga mos kelmaydigan ish sharoitlari shartnomada keltirilgan taqdirda, mehnat to’g’risidagi shartnoma qoidalari bekor hisoblanadi va ularning o’rniga tegishli huquqiy me’yorlar qo’llaniladi. Shu bilan birga, uning ayrim qoidalari (haftalik dam olish, ishdan bo’shatish vaqti, ish haqi, ishdan bo’shatish to’g’risidagi xabarnoma, pensiya to’lovi va boshqalar) qonunlarga rioya qilish shartlarini hisobga olgan holda to’rt yoki undan kam ishchilar bilan ishlaydigan ish joylariga nisbatan qo’llanilmaydi. Hozirgi kunda qonunni ijrosini ta’minlash uchunjami 1668 nafar mehnat inspektori Mehnat Vazirligida (MOEL) faoliyat olib boradi.